Կարևոր է, որ սահմանամերձ համայնքների բնակիչները լծվեն իրենց տները պաշտպանելու գործին
Հասարակական գործիչ, «Երկրապահ կամավորականների մասին» օրենքի համահեղինակ Մեսրոպ Մանուկյանը Sputnik Արմենիայի հետ զրույցում անդրադարձել է ՀՀ սահմանամերձ համայնքների պաշտպանության խնդիրներին և այդ գործընթացում տեղի բնակիչների ներգրավման, նրանց և բանակի փոխգործակցության հարցին։
«Ադրբեջանի նախագահը չի թաքցնում իր ագրեսիվ ցանկությունները` տարածքային նկրտումներ ցուցաբերելով Տավուշի, Գեղարքունիքի, Արարատի և Սյունիքի մարզերի նկատմամբ, ուստի այդ պարագայում շատ կարևոր է, որ սահմանամերձ համայնքների բնակիչները լծվեն իրենց տները պաշտպանելու գործին»,– ասաց Մանուկյանը։
Նրա համոզմամբ` ոչ ոք նրանց տունն ավելի լավ չի պաշտպանի, որքան տեղի բնակիչները, որոնք իր հողն ու ջուրը սիրում են բոլորից շատ։ Հետևաբար Արցախյան առաջին պատերազմում ձեռք բերված աշխարհազորային փորձն անհրաժեշտ է կիրառել նաև մեր օրերում։