Марий Эл Увер

Выпускын тӱҥ темыже-влак: — Марий кечышот почеш, таче Покро шуматкече, тоштыеҥым шарныме кече. Покро пайремже шыжа тылзын 14-ше кечыштыже палемдалтеш. — Таче Йошкар-Оласе Чарла Кремльыште Угинде регион кӱкшытан пайрем эртаралтеш. Марий тӱвыра рудерын пашаеҥышт, республикысе фольклор коллектив дене пырля толшо калыкым кугезына-влакын йӱлаж дене палдараш тӱҥалыт. — Таче Сергей Чавайн лӱмеш калыкле книгагудышто краевед клубын черетан вашлиймашыже лиеш. Тӱҥ йодыш шӱдӧ ий ончыч кундемыштына кантон-влакым ыштыме нерген лиеш.