Величай, душе моя. Всенощная на Крещение
Припевы праздника на 9 песни канона. Всенощное бдение на Крещение Господне, 18 января 2022 года.
Величай, душе моя,/ Честнейшую горних воинств,/ Деву Пречистую Богородицу.
Величай, душе моя,/ от Предтечи Крещения Просяща.
Давиде, прииди Духом к просвещенным, -/ ныне приступите, – пой к Богу, -/ верою, – глаголя, – просветитеся/ Сей нищий воззва Адам в падении, ибо Того услыша Господь,/ пришед, струями Иорданскими тленнаго же обнови.
Величай, душе моя,/ от Отеческаго гласа Свидетельствованна.
Величай, душе моя,/ Единаго от Троицы, преклоньшаго выю и Крещение приемша.
Исаия, – измыйтеся, очиститеся – глаголет, -/ лукавствия пред Господем оставите./ Жаждущии, на воду живу идите:/ кропит бо водою, обновляя, Христос приступающия к Нему верою/ и к животу нестареемому крещает Духом.
Пророче, прииди ко Мне,/ простри руку и крести Мя скоро.
Соблюдаемся благодатию, вернии, и печатию./ Яко бо губителя, бежаша прага евреи, древле окровавлена,/ тако и нам исходное Божественное сие пакибытия баня будет./ Отсюду и Троицы узрим Свет Незаходимый.
Днесь Владыка/ преклоняет выю под руку Предтечеву.
О, паче ума Рождества Твоего чудес/ Невесто Всечистая, Мати Благословенная,/ Еюже получивше всесовершенное спасение,/ достойно хвалим, яко Благодетеля,// дар носяще – песнь благодарения.
Днесь Иоанн крещает Владыку/ во струях Иорданских.
Помазуеши, совершая человеческое существо, Царю Безначальне,/ Духа общением, струями чистыми отмыв/ и тьмы крепость же посрамль возвышенную,// ныне в безпрестаннем воздати житии.
Днесь Владыка/ водами погребает человеческий грех.
Прага (церк.-слав.) - порога. Имеется в виду Исх. 12:21-27, ср.
1 Пет. 1: 1-2.