ВИДЕОФАКТ

ВИДЕОФАКТ Уубут этэҥҥэ ааста, күөллэрбитин сайҕаата, хонуулары нүөлсүттэ, дэстилэр олохтоохтор. Онон сарсыардаттан дьон үөһэ мыраантан сүөһүлэрин көһөртөөтө. Биһиги эмиэ. Хоточчулар ордук 2010 сыллааҕы алдьатыылаах халаан уутун умнубаттар. Кэпсииллэрин да истэргэ дьулаан. “Тимирэн эрэр сүөһү маҕырааһына уу чааныгар өссө ынырыктыйан иһиллэрэ. Сүөһүлэрбитин аһыммыппыт да иһин, хайдах да быыһыыр кыахпыт суоҕуттан куйахабыт күүрэн, харахпыт уута сарт түһэн, бэйэбит тыыммытын эрэ быыһанарга дьулуспуппут“, - дииллэр. Олохтоох дьаһалталарыгар, Тиит-Эбэ эдэр уолаттарыгар сүөһүнү көһөрүүгэ көмөлөрүн иһин хоточчулар махтаннылар. Чахчы, дьаһалта баар балаһыанньаны иһитиннэрииттэн саҕалаан, бэркэ тэринэн үлэни ыытта. Оҕолуун улаханныын халаан уутуттан эмсэҕэлээбэт туһугар дьаһанныбыт Полина Николаева, Хоточчу с. Source: Новости газеты «Хангалас»